नेत्रविक्रम चन्द (विप्लव) नेतृत्वको नेकपाका कार्यकर्ता वाणगङ्गा नपा–१ का ४५ वर्षीय श्यामदास पासी, ४० वर्षीय राजमङ्गल थारु, शिवराज नपा–९ शिवगढीका ३८ वर्षीय दुर्गालाल खत्री र ४५ वर्षीय युवराज न्यौपानलेलाई प्रहरीले शिवगढीबाट चैत ६ गते गिरफ्तार गरेको छ ।
सरकारले प्रतिबन्ध लगाएसँगै पछिल्लो समयमा प्रहरी प्रशासनले छापा मार्ने र गिरफ्तार गर्ने क्रम तीव्र बनाएपछि नेकपा विप्लव समूहका सबै नेता कार्यकर्ताहरू भुमिगत भएका छन् ।
नेत्रविक्रम चन्द (विप्लव) समूहको एक आधार इलाका तथा गृह जिल्ला भएकोले कपिलवस्तुमा गतिविधि बढ्न सक्ने आशङ्कामा सुरक्षा निकायले निगरानी बढाएको छ ।
नेकपाका केन्द्रीय महासचिव विप्लव र लुम्विनी व्युरो इञ्चार्ज चन्द्रबहादुर चन्द, विरगञ्ज शिवगढीका बासिन्दा हुन भने केन्द्रीय सचिव भेषराज भुषाल शिवराज नपाका बासिन्दा हुन् ।
यसैगरी छिमेकी जिल्लाहरुमा समेत कपिलवस्तुका नेताहरूले इञ्चार्ज तथा सेक्रेटरीको जिम्मेवारी पाएका छन् ।
गिरफ्तार गरिएका नेताहरुलाई जिल्ला प्रहरी कार्यालयमा राखिएको जिल्ला प्रहरी कार्यालयका एसपी अच्युतप्रसाद पुडासैनीले बताए ।