बलात्कार घटनाका आरोपितद्वारा प्रहरीमा आत्मसमर्पण

१७ वर्षीया बालिकालाई बलात्कार गरेको घटनाका आरोपित तनहँु जिल्ला घिरिङ गाउँपालिका–४ का वडा अध्यक्ष ३२ वर्षीय झकबहादुर कुमालले माघ २८ गते जिल्ला प्रहरी कार्यालय नवलपरासी (बर्दघाट सुस्ता पूर्व)मा आत्मसमर्पण गरेका छन् ।
आरोपित कुमालले गत वैशाख २५ गते पीडित बालिकालाई बलात्कार गरेको भन्दै पीडित पक्षले वैशाख ३० गते जिल्ला प्रहरी कार्यालय, नवलपरासी (बर्दघाट सुस्ता पूर्व)मा उजुरी दिएको थियो ।
पीडित बालिकाको स्वास्थ परीक्षण वैशाख २८ गते दमौली अस्पतालमा गरिएको थियो । उजुरीपछि फरार रहेका कुमालले कार्यालयमा आई आत्मसमर्पण गरेको जिल्ला प्रहरी कार्यालय, नवलपरासी (बर्दघाट सुस्ता पूर्व)का एसपी रमेश थापाले बताए ।
जिल्ला अदालत, नवलपुरको माघ २८ गतेको आदेशबाट आरोपितलाई पुर्पक्षको लागि जिल्ला कारागार चितवन चलान गरेको जिल्ला अदालत, नवलपुरले जनाएको छ ।