१९ वर्षीया युवतीलाई बलात्कार प्रयास गरी फरार रहेका आरोपित नवराजपुर गापा–३ का २१ वर्षीय रामसेवक यादवलाई इलाका प्रहरी कार्यालय महेशपुर पतारले माघ १६ गते गिरफ्तार गरेको छ ।
पीडित युवतीलाई आरोपितले असोज ६ गते बलात्कार प्रयास गरेको आरोपमा पीडित परिवारले इलाका प्रहरी कार्यालय महेशपुर पतारमा असोज ९ गते उजुरी दिएको थियो । पीडित युवतीको स्वास्थ्य परीक्षण जिल्ला अस्पताल सिरहामा असोज ९ गते गरिएको थियो ।
इलाका प्रहरी कार्यालय महेशपुर पतारका इन्स्पेक्टर कृष्ण श्रेष्ठका अनुसार फरार रहेका आरोपितलाई गिरफ्तार गरी माघ १७ गते अनुसन्धानको लागि म्याद थप गरिएको छ ।