नागरिक आन्दोलनका अगुवा तथा वरिष्ठ मानव अधिकारकर्मी स्व. पद्मरत्न तुलाधरको योगदानको सम्मान गर्दे स्व. तुलाधरको स्मृतिमा बुटवलमा एक कार्यक्रम गरी श्रद्धाञ्जली अर्पण गरियो ।
वरिष्ठ मानव अधिकारकर्मी, पत्रकार, सहजकर्ता तथा राजनीतिककर्मीको रूपमा समाज रूपान्तरणको खम्बाका रूपमा परिचित तुलाधरको सम्झनामा प्रदेश नं ५ को राजधानी बुटवलमा कार्यक्रम गरिएको हो ।
राष्ट्रिय मानव अधिकार आयोग प्रदेश ५ बुटवल, इन्सेक रूपन्देही, मानव अधिकार तथा शान्ति समाज, जागरण मिडिया सेन्टर, रेडियो जागरण ९३.६ मेगाहर्ज, मानव अधिकार तथा सामाजिक रूपान्तरण अभियान (काहुराष्ट्र) को संयुक्त आयोजनामा श्रद्धाञ्जली कार्यक्रमको आयोजना गरिएको हो ।
कार्यक्रममा सहभागीहरूले स्व.तुलाधरको योगदानलाई स्मृति ग्रन्थ र पाठ्यक्रममा उनको योगदानलाई समेट्नका लागि पहल गर्नुपर्नेमा जोड दिए ।
प्रदेश ५ प्रदेश सभाका सांसद डा. कृष्णप्रसाद न्यौपानेले स्व. तुलाधरले मानव अधिकारको क्षेत्रमा पु¥याएको योगदानको जति चर्चा गरेपनि नसकिने बताए ।