सात वर्षीया बालिकालाई बलात्कार गरेको आरोपमा प्रहरीले भारतको बेतिया घर भई हाल रामपुर नगरपालिका–४ भिमसेन टोलमा मिस्त्री काम गर्दै आएका २२ वर्षीय कौशर मियालाई कात्तिक ३० गते गिरफ्तार गरेको छ ।
पीडित बालिकालाई आरोपितले कात्तिक २९ गते बलात्कार गरेको र आरोपित भागेको पीडित पक्षको आरोप छ ।
पीडित परिवारले कात्तिक २९ गते नै प्रहरीमा उजुरी दर्ता गराएका थिए । उजुरी लगत्तै उनको खोजी कार्य तीव्र बनाइएको र गिरफ्तार गरिएको प्रहरीले जनाएको छ ।
पीडित बालिकाको स्वास्थ्य परीक्षण कात्तिक २९ गते जिल्ला अस्पताल पाल्पामा गरिएको छ ।