२१ वर्षीय महिलालाई बलात्कार प्रयास गरेको आरोपमा जिल्ला अदालत चितवनले असार ३० गते खैरहनी नगरपालिका–९ बस्ने २५ वर्षीय अच्युत कँडेललाई सात वर्ष कैद सजायको फैसला सुनाएको छ ।
न्यायधीश अवनी मैनाली भट्टराईको इजलासले उक्त फैसला गरेको श्रेष्तेदार रुद्रमणि गिरीले इन्सेक प्रतिनिधिलाई बताउनुभयो ।
०७६ कात्तिक १८ गते आफूलाई बलात्कार प्रयास गरेको भन्दै पीडितले पुस २३ गते इलाका प्रहरी कार्यालय खैरहनीमा उजुरी दिनुभएको थियो ।
बलात्कार घटनाका आरोपित कँडेललाई पुस २३ गते नै प्रहरीले गिरफ्तार गरेको थियो । पीडितको पुस २३ गते भरतपुर अस्पतालमा स्वास्थ्य परीक्षण गरिएको थियो ।