नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीका पूर्व सदस्य २९ वर्षीय महेन्द्र भण्डारीलाई जिल्ला प्रहरी कार्यालय, बागलुङले असार १७ गते राति गिरफ्तार गरेको छ ।
जनमुक्ति सेनाका पूर्व सदस्य समेत रहेका ढोरपाटन नगरपालिका–५ अधिकारीचौरका भण्डारीको साथबाट एम.सी.सी खारेज गर लेखिएका झण्डा समेत फेला परेका छन् ।
जिल्लाका उद्योग व्यवसायीहरूलाई धम्की दिएर चन्दा असुली गर्ने गरेको आरोपमा उनलाई गिरफ्तार गरिएको जिल्ला प्रहरी कार्यालय, बागलुङका सूचना अधिकारी डिएसपी राजेन्द्र रेग्मीले इन्सेक जिल्ला प्रतिनिधीलाई फोन मार्फत जानकारी दिनुभयो ।