अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालय, धनगढीको आयोजनामा मानव अधिकार समूहको पदाधिकारीको क्षमता अभिबृद्धि तालिम ०८२ जेठ १६ गते धनगढीमा सम्पन्न भएको छ ।
इन्सेक सुदूरपश्चिम प्रदेश संयोजक खडकराज जोशीले इन्सेक आफैमा एउटा अभियान रहेकाले नागरिकहरुका मानव अधिकारका सवाल उठान गरी स्थानीय तहलाई जवाफदेही र जिम्मेवार बनाउनका लागि मानव अधिकार समूहका पदाधिकारीहरुको क्षमता अभिबृद्धि गर्ने उद्धेश्यले तालिमको आयोजना गरिएको बताउनु भयो ।
इन्सेक सुदूरपश्चिम प्रदेश कार्यालय, धनगढीका प्रलेख अधिकृत कृष्णबहादुर विश्वकर्माले इन्सेक अभियानमा अभिलेखिकरणको निकै नै महत्व रहेकाले कुनै पनि घटनाको अनुगमन प्रतिवेदन लेखन गर्न आवश्यक रहेको बताउनु भयो ।
इन्सेक कञ्चनपुर जिल्ला सहजकर्ता कैलश पनेरुले मानव अधिकार समूहले स्थानीय तहमा समूह दर्ता गरेर कार्यक्रमका लागि प्रस्तावना पेश गरी कार्यक्रम ल्याउन सक्ने बताउनु भयो ।
मानव अधिकार समूहका प्रदेश संयोजक तथा बेलौरी नगरपालिकास्तरीय मानव अधिकार समूहका अध्यक्ष गोविन्द सापकोटाले बेलौरी नगरपालिकाका १० ओटै वडामा मानव अधिकार समूहले छुट्टै पहिचान बनाउन सफलभएको र नगरपालिका क्षेत्रमा मानव अधिकार कार्यक्रम समेत सञ्चालन गरेको बताउनु भयो ।
लालझाडी गाउँपालिकास्तरीय मानव अधिकार समूहका अध्यक्ष सोमनाथ रानाले मानव अधिकार समूह गठन भएदेखि इन्सेकका कारण मानव अधिकारसम्बन्धी धेरै विषयहरुका बारेमा जानकारी पाउन सकिएकोले इन्सेकसँगको सहकार्य रहिरहने बताउनु भयो ।
घोडाघोडी नगरपालिकाकास्तरीय मानव अधिकार समूहका अध्यक्ष आशा परीयारले मानव अधिकार समूह गठन भएपछि मानव अधिकारका सवालमा जान्ने आवसर प्राप्त भएको बताउनु भयो ।
कैलारी गाउँपालिकास्तरीय मानव अधिकार समूहका अध्यक्ष मानबहादुर चौधरीले मानव अधिकार समूहमा काम गर्दा सिकाईसँगै चुनौतीहरुको पनि सामना गर्नु परेको र गाउँपालिकामा समूह दर्ताको प्रयास भइरहेको बताउनु भयो ।
कार्यक्रममा मानव अधिकार समूले तीन वर्षको अवधिमा गरेका कामहरुको समीक्षा र आगामी अयोजनाका बारेमा पनि छलफल गरिएको थियो ।