अनौपचारिक क्षेत्र सेवा केन्द्र (इन्सेक) मधेस प्रदेशद्वारा डाक्नेश्वरी नगरपालिकास्थित श्री राम दयाल माध्यमिक विद्यालयमा गठित बाल अधिकार सचेतना समूहले ०८० माघ १४ गते कार्य योजना बैठक सम्पन्न गरेको छ ।
बाल अधिकार सचेतना समूहले सम्पन्न गरेको कार्ययोजना अनुसार माघ २५ र २६ गते सडक नाटक प्रदर्शन गर्ने निर्णय गरेको छ । उक्त सडक नाटक बाल विवाह, दाइजो प्रथा, महिला हिंसा जस्ता कुप्रथाहरुको न्यूनिकरणका निम्ति प्रभावकारी हुने संरक्षक शिक्षक अशोक साहले बताउनु भयो ।
कार्यक्रम पछि सामाजमा छोरी/छोरा मा भेदभाव र महिला हिंसा विरूद्ध चेतना जागृत हुने बाल अधिकार सचेतना समूहका अध्यक्ष सुर्य कुमार पालले बताउनु भयो ।
बैठकको सहजिकरण गर्दै इन्सेक सप्तरी सहजकर्ता अजय परियारले इन्सेकको परियोजनाले गर्ने काम र उद्देश्य बारे प्रकाश पार्नु भयो ।