अनौपचारिक क्षेत्र सेवा केन्द्र (इन्सेक) मधेस प्रदेशद्वारा गठित मानव अधिकार सहायता कक्षले यौन दुर्व्यवहार घटनाका पीडित तीन वर्षीय बालक को परिवारलाई ०८१ पुस ५ गते १० हजार रुपियाँ आर्थिक सहायता प्रदान गरेको छ ।
पीडित बालकलाई ०८१ मङ्सिर २३ गते यौन दुर्व्यवहार गरेको आरोपमा जलेश्वर नगरपालिका–१ का २२ वर्षीय रोशन साहविरुद्ध मङ्सिर २८ गते पीडित पक्षले जिल्ला प्रहरी कार्यालय महोत्तरी उजुरी दिनुभयो । घर नजिकै खेलिरहेको पीडित बालकालाई ललाइ फकाइ यौन दुर्व्यवहार गरेको पीडित पक्षले बताउनु भयो ।
पीडित बालिकाको स्वास्थ्य परीक्षण मङ्सिर २५ गते प्रादेशिक अस्पताल जलेश्वरमा भयो ।
घटना पश्चात आरोपित फरार रहेकोले खोजी कार्य भइ रहेको जिल्ला प्रहरी कार्यालयका इन्स्पेक्टर विशाल सिंहले जानकारी दिनु भयो ।
पीडितको आर्थिक अवस्था कमजोर रहेकोले न्यायीक प्रक्रियामा सहयोग पुग्ने उद्देश्यले पीडित परिवारलाई आर्थिक सहयोग गरेको इन्सेक महोत्तरी प्रतिनिधि ममता विश्वकर्माले बताउनु भयो ।