राष्ट्रिय मानव अधिकार आयोगका सदस्य गोविन्द शर्मा पौडेलले मानव अधिकारकर्मी तथा सञ्चारकर्मीहरूले अब सामाजिक, सांस्कृतिक अधिकारबारे छलफल अगाडि बढाउनुपर्ने र समाचार सङ्कलन गर्नुपर्ने बेला आएको बताएका छन् ।
राष्ट्रिय मानव अधिकार आयोगको आयोजना तथा नेपाल पत्रकार महासङ्घ पाल्पा र इन्सेकको पहलमा गठन भएको मानव अधिकार निगरानी समूहको समन्वयमा असार ४ गते बाट तानसेनमा सुरू भएको मानव अधिकार र सञ्चार विषयक दुई दिने तालिमका अवसरमा उनले सो कुरा बताएका हुन् ।
सिंहदरबारको अधिकार गाउँगाउँमा पुगेको भनिएपछि खास सर्वसाधारणले त्यसको अनुभव गर्न नपाएको बताउँदै उनले यस कार्यमा सञ्चारकर्मीहरूले कलम चलाउनुपर्ने बताए ।
तालिममा मानव अधिकार आयोगका उपनिर्देशक यज्ञप्रसाद अधिकारी, चन्द्रकान्त चापागाईलगायतले सहजीकरण गरेका छन् । तालिममा पाल्पामा क्रियाशील मानव अधिकारकर्मी र पत्रकार गरी ३० जनाको सहभागिता रहेको छ ।
यज्ञमूर्ति तिमिल्सिना