अनौपचारिक क्षेत्र सेवा केन्द्र (इन्सेक)ले सञ्चालन गरेको स्थानीय समुदायलाई सचेत पार्दै जिम्मेवार निकायलाई जवाफदेही बनाउन पहल गर्ने परियोजना अन्तर्गत मोरङ जिल्लामा जिल्लास्तरीय मानव अधिकार निगरानी समूह पुनर्गठन गरिएको छ ।
विराटनगरमा पुस २० गते आयोजित कार्यक्रमबाट गैरसरकारी संस्था महासङ्घका केन्द्रीय सदस्य त्रिलोक न्यौपानेको संयोजकत्वमा २३ सदस्यीय समूहको पुनर्गठन गरिएको हो ।
तीन वर्षअघि न्यौपानेकै संयोजकत्वमा बनेको समितिमा १२ जना थप गरेर समिति पुनर्गठन गरिएको इन्सेक क्षेत्रीय कार्यालय विराटनगरका संयोजक सोमराज थापाले जानकारी दिए ।
इन्दिरा भट्टराई