सिरिजङ्गा गाउँपालिका-५ स्थायी घर भइ फुङलिङ नगरपालिका-४ उकालीपानीमा बस्दै आएकी ३० वर्षीया शान्ति राईको हत्या गरेको आरोपमा प्रहरीले ३२ वर्षीय पति विजय भनिने सञ्जमान लिम्बूलाई साउन ११ गते गिरफ्तार गरेको छ ।
घरायसी विवादका क्रममा आरोपितले पत्नीलाई ०८२ साउन ८ गते कैची प्रहार गरेका थिए । पेटमा कैँची प्रहारबाट घाइते भएकी शान्तिको उपचारका लागि लैजाने क्रममा साउन १० गते मृत्यु भएको जिल्ला प्रहरी कार्यालयका डिएसपी वेदप्रकाश गौतमले बताए ।
तर, आरोपित सञ्जमानले बाटोमा हिड्ने क्रममा लडेर रडमा परि घाइते भएको र उपचारका क्रममा मृत्यु भएको बयान प्रहरीलाई दिएका थिए ।
वहिनी ज्वाईँले कैची प्रहारबाट मृत्यु भएको बयान दिएपछि आरोपितलाई अनुसन्धानका लागि गिरफ्तार गरिएको डिएसपी गौतमले बताउनु भयो ।
शवको पोष्टमार्टम जिल्ला अस्पतालमा साउन ११ गते गरिएको छ ।
सोही दिन पीडित पक्षले शव बुझी सिरिजङ्गा गाउँपालिका-५ सद्गत गरेको छ ।