२५ वर्षीया महिलालाई बलात्कार गरेको आरोपमा क्षिरेश्वरनाथ नगरपालिका-४ का २८ वर्षीय सन्जित रायलाई प्रहरीले जेठ ८ गते गिरफ्तार गरेको छ।
आरोपितले जेठ ३ गते क्षिलेश्वरनाथ नगरपालिकामा अवस्थित कागज उद्योगको छेउमै रहेको नदीको किनारामा घाँस काटिरहेकी एक्ली पीडित महिलालाई डरधाक देखाई बलात्कार गरेको पीडित पक्षले इलाका प्रहरी कार्यालय महेन्द्रनगरमा जेठ ५ गते उजुरी दिएका थिए ।
पीडितको स्वास्थ्य परीक्षण जनकपुरधामस्थित प्रादेशिक अस्पताल जेठ ४ गते भयो ।
आरोपितलाई गिरफ्तार गरी थप अनुसन्धान गरिरहेको इलाका प्रहरी कार्यालय महेन्द्रनगरका वरिष्ठ हवल्दार पंकज यादवले जानकारी दिनुभयो ।