१० वर्षीया बालिकालाई बलात्कार गरेको आरोपमा म्यान्मार घर भइ रोहिङ्ग्या समूहको शरणार्थीको रुपमा ललितपुर महानगरपालिका–२७ सुनाकोठी बस्ने २२ वर्षीय मोहम्मद लुटफार रहमानलाई प्रहरीले ०८२ वैशाख ३० गते गिरफ्तार गरेको छ ।
आरोपितले वैशाख ६ गते पीडित बालिकालाई ललाई फकाई डरत्रास देखाई बालकुमारी जंगलमा लगी बलात्कार गरेको भन्दै वैशाख २५ गते पीडित परिवारले प्रहरी वृत्त चापागाउँमा दिएका थिए । आरोपितलाई प्रहरीले सुनाकोठीबाट गिरफ्तार गरिएको परिसरका एसपी एवम् प्रवक्ता नरहरि रेग्मीले बताउनु भयो ।
पीडित बालिकाको स्वास्थ्य परीक्षण वैशाख २५ गते पाटन अस्पतालमा गरिएको थियो ।
आरोपित बिरुद्ध मुलुकी अपराध संहिता, २०७४ बमोजिम जबरजस्ती करणी उद्योग मुद्दामा ललितपुर जिल्ला अदालतबाट पाँच दिनको म्याद थप गरी अनुसन्धान भइरहेको प्रहरीले जनाएको छ ।