११ वर्षीया बालिकालाई बलात्कार गरेको घटनाका आरोपित कल्याणपुर नगरपालिका-८ का २३ वर्षीय अफजल राईनविरुद्धको उजुरी इलाका प्रहरी कार्यालय मिर्चैयाले ०८१ चैत १९ गते दर्ता गरेको छ ।
आरोपितले बालिकालाई ०८१ चैत ९ गते बलात्कार गरेको आरोपमा पीडित पक्षले इलाका प्रहरी कार्यालय मिर्चैयामा चैत १५ गते उजुरी दिनु भयो ।
पीडित बालिकाको स्वास्थ्य परीक्षण प्रादेशिक अस्पताल सिरहामा चैत १५ गते भयो ।
घटनापश्चात आरोपित फरार रहेकाले खोज तलास गरिरहेको इलाका प्रहरी कार्यालय मिर्चैयाका डिएसपी पञ्चकुमार बाखुले बताउनु भयो ।