१७ वर्षीया बालिकालाई बलात्कार गरेको कसुरमा जिल्ला अदालतले मुसिकोट नपा–५, रुकुम पश्चिमका ३० वर्षीय मिलन वनलाई १० वर्ष कैद सजायको फैसला गरेको छ ।
जिल्ला अदालतका न्यायाधीश तेजनारायण पौडेलको इजलासले चैत ७ गते दोषी ठहर गर्दै १० वर्ष कैद सजाय, ५ लाख रुपियाँ जरिबाना र ४० हजार रुपियाँ क्षतिपूर्ति भराउने फैसला गरेको अदालतका स्रेस्तेदार दामोदर घिमिरेले जानकारी दिनुभयो ।
मिलनले ०८० माघ ३ गते बलात्कार गरेको भन्दै माघ ४ गते पीडित पक्षले इलाका प्रहरी कार्यालय, भालुवाङमा उजुरी दिएको थियो । पीडितको स्वास्थ्य परीक्षण माघ ४ गते राप्ती स्वास्थ्य विज्ञान प्रतिष्ठान, घोराहीमा भएको थियो । प्रहरीले आरोपितलाई माघ ८ गते गिरफ्तार गरेको थियो ।