एड्स रोग लागेर प्रभावित भएका एड्स बिरामीहरूलाई औषधी लिन आर्थिक अभावले सदरमुकाम चौतारासम्म आउन जान समस्या हुँदा प्रभावितहरूले नियमित औषधी सेवन गर्न समस्या भएको छ ।
एड्स रोग लागेर प्रभावित भएका एड्स रोगीहरूलाई औषधी लिन यातायात खर्चको अभावले सदरमुकाम चौतारासम्म आउन जान समस्या भएको हो ।
एड्स रोगबाट प्रभावितहरू मध्ये दुई जनाले नियमित औषधी खान छोडेको र घरमा स्याहार सुसारको अभावमा मृत्यु भएको चौतारा पुनस्र्थापना केन्द्रकी अप्सरा भूजेलले बताउनुभयो ।
जिल्लाको बिभिन्न पालिकाहरूमा रहेका एड्स प्रभावितहरूलाई औषधी लिन चौतारा अस्पताल नै आउनुपर्ने बाध्यता रहेको छ ।
औषधी लिन सदरमुकाम चौतारा आउँदा लाग्ने बस भाडाको अभावले प्रभावितहरू र उनिहरूका परिवारका सदस्यहरूले हेलचेक्राईँ गरेकोले प्रभावितहरूको स्वास्थ्यमा थप समस्या आएको भूजेलले बताउनु भयो ।
एड्स रोग लागेर नियमित औषधी सेवन गर्नुपर्ने प्रभावितहरूको सङख्या जिल्लाभर ८६ जना रहेको छ । ति सबै जना औषधी लिन चौतारा अस्पताल नै आउनुपर्ने बाध्यता रहेको छ । एड्स प्रभावितहरूले दैनिक सेवन गर्ने एआरटी औषधी चौतारा अस्पताल बाहेक अन्य अस्पतालमा उपलब्ध नहुने जिल्ला जनस्वास्थ्य कार्यालयकी प्रमुख दुर्गा बजगाइले बताउनुभयो ।
प्रभावितहरू सबैभन्दा बढी हेलम्वु गाउँपालिकामा ३६ जना रहेका छन् । उनीहरूलाई घरपरिवारबाट पनि स्याहारसुरार नभइ बेवास्तामा बस्नु परेको । औषधी लिन आउन समेत यातायातमा लाग्ने पैसाको अभावले समस्या भएकोले एड्स प्रभावितहरू नियमित औषधी सेवन गर्नबाट वञ्चित भएका छन् ।