बलात्कार घटनाका आरोपित गिरफ्तार

१५ वर्षीया बालिकालाई ०८१ पुसदेखि माघ २८ गतेसम्म पटक–पटक बलात्कारको आरोपमा जाजरकोट जिल्ला नलगाड नगरपालिका–८ घर भई धार्चे गाउँपालिकाको एक विद्यालयमा अध्यापन गराउने शिक्षक ३५ वर्षीय कमलबहादुर बोहोरालाई ०८१ फागुन ७ गते प्रहरीले गिरफ्तार गरेको छ । आरोपितविरुद्ध पीडितका आफन्तले फागुन ६ गते जिल्ला प्रहरी कार्यालयमा उजुरी दिएका थिए । प्रहरीले प्रारम्भिक अनुसन्धान पश्चात आरोपित शिक्षकविरुद्ध फागुन १२ गते जिल्ला अदालतमा जबरजस्ती करणी शीर्षकमा मुद्धा दर्ता गरी थप अनुसन्धान भइरहेको जिल्ला प्रहरी कार्यालय का डिएसपी इन्द्रप्रसाद सुवेदीले बताउनु भयो । पीडित बालिकाको स्वास्थ्य परीक्षण फागुन ८ गते जिल्ला अस्पतालमा भएको थियो ।