१२ वर्षीया बालिकालाई बलात्कार प्रयास गरेको आरोपमा भारत राज्य सितामढी जिल्ला परिहार घर भएका ४२ वर्षीय चैन किसोर दासलाई जिल्ला प्रहरी कार्यालय, महोत्तरीले ०८१ फागुन ११ गते गिरफ्तार गरेको छ ।
पीडित पक्षका अनुसार फागुन ११ गते बालिका मनरासिस्वा नगरपालिका-८ स्थित सिरसिया बजारमा किनमेल गर्न गएको अवस्थामा आरोपितले बालिकालाई एक्लै देखी बलात्कार प्रयास गरेकोले निजविरुद्ध जिल्ला प्रहरी कार्यालय, महोत्तरीमा उजुरी दिएको हो ।
पीडितको स्वास्थ परीक्षण फागुन ११ गते प्रादेशिक अस्पताल जलेश्वरमा गरिएको जिल्ला प्रहरि कार्यालयका इन्स्पेक्टर विशाल सिंहले जनाकारी दिनुभयो ।