११ वर्षीया बालिकालाई अपहरण तथा शरीर बन्धक बनाई बलात्कार गरेको आरोपमा प्रहरी महाराजगञ्ज नपा–११ का २५ वर्षीय सुश्याम गोडिया विरुद्ध जिल्ला प्रहरी कार्यालयमा फागुन २ गते उजुरी दर्ता भएको छ ।
पीडित बालिकालाई आरोपितले माघ २९ गते अपहरण तथा शरीर बन्धक बनाइ बलात्कार गरेको भन्दै पीडित पक्षले फागुन २ गते जिल्ला प्रहरी कार्यालयमा उजुरी दियो । घटनाका आरोपित फरार रहेकाले खोजी कार्य भइरहेको जिल्ला प्रहरी कार्यालयका डिएसपी मोहनमणी अधिकारीले बताउनु भयो ।
पीडितको स्वास्थ्य परीक्षण फागुन १ गते कपिलवस्तु अस्पताल, तौलिहवामा भयो ।