१४ वर्षीया बालिकालाई जबरजस्ती यौन कार्यमा लगाएको आरोपमा प्रहरीले नुवाकोट तादी गाउँपालिका–६ घर भई हाल काठमाडौँ टोखा महानगरपालिका–२६ नयाँ बसपार्कस्थित निमा गेष्ट हाउसका सञ्चालक २९ वर्षीय सुजन तामाङलाई गिरफ्तार गरेको छ ।
पीडित बालिकालाई आरोपितले आर्थिक प्रलोभन देखाएर जबरजस्ती यौन कार्यमा लगाएको आरोपमा पीडित पक्षले एक वर्षअघि नै प्रहरीमा उजुरी गरेको थियो ।
पीडित पक्षको उजुरीका आधारमा अनुसन्धान गर्ने क्रममा आरोपितलाई कात्तिक १ गते गिरफ्तार गरेको नेपाल प्रहरीको मानव बेचबिखन अनुसन्धान व्युरो काठमाडौँका एसपी गौतम मिश्रले जानकारी दिनु भयो ।