१६ वर्षीया बालिकालाई बलात्कार गरेको आरोपमा प्रहरीले जानकी गाउँपालिका—२ का ७१ वर्षीय गजबहादुर दर्लामी मगर र सोही ठाउँका १६ वर्षीय बालकलाई ०८१ असोज १८ गते गिरफ्तार गरेको छ ।
पीडित बालिकालाई आरोपितद्वयले भदौ २९ गते छिमेकीको घरमा लगेर बलात्कार गरेको भन्दै पीडित परिवारले असोज १८ गते इलाका प्रहरी कार्यालय, टिकापुरमा उजुरी दिएको जानकी गाउँपालिका वडा नम्बर २ का सदस्य चित्रा कठरियाले इन्सेक प्रतिनिधिसँगको फोन सम्पर्कमा बताउनु भयो ।
पीडित पक्षले दिएको उजुरीका आधारमा आरोपितद्वयलाई गिरफ्तार गरी अनुसन्धान भइरहेको इलाका प्रहरी कार्यालय, टिकापुरका डिएसपी विश्वराज अधिकारीले बताउनु भयो ।
पीडितको स्वास्थ्य परीक्षण असोज १८ गते टिकापुर अस्पताल, टिकापुरमा गरिएको थियो ।