थवाङ गाउँपालिका–२, जाजरकोट छेर्लावाङ टोलका ७१ वर्षीया सारु रोकालाई हत्या गरेको आरोपमा सोही ठाउँका ३५ वर्षीय रामकुमार रोकालाई प्रहरीले ०८१ भदौ २४ गते गिरफ्तार गरेको छ ।
जिल्ला प्रहरी कार्यालयका सूचना अधिकारी बिजय चापागाईंका अनुसार सामान्य विवादमा आरोपितले मदिरा सेवन गरेर भरुवा बन्दुकको कुन्डाले टाउकोमा हानेर हत्या गरेका थिए । सामान्य विवाद हुँदा रोकाको हत्या भएको भन्दै पीडित पक्षले भदौ २५ गते इलाका प्रहरी कार्यालय, थवाङमा उजुरी दिएको र घटना बारे थप अनुसन्धान भइरहेको सूचना अधिकारी चापागाईंले इन्सेकलाई जानकारी दिनुभयो ।
शवको पोष्टमार्टम जिल्ला अस्पताल, रेउघामा भइरहेको छ ।