१७ वर्षीया बालिकालाई अपहरण तथा शरीर बन्धक गरेको आरोपमा शिवराज नगरपालिका–७, जौवाभारीका २१ वर्षीय नुर मोहम्द मुसलमान, सोही ठाउँका ७६ वर्षीय मोहम्द मुस्तफा, ४० वर्षीय जनतुन मियाँ र २० वर्षीय अक्सर अलि मियाँ विरुद्ध इलाका प्रहरी कार्यालय, गणेशपुरमा ०८१ भदौ १२ गते उजुरी दर्ता भएको छ ।
पीडित बालिकालाई आरोपितहरूले ०८१ जेठ २ गतेदेखि अपहरण तथा शरीर बन्धक गराएको भन्दै पीडितको दाजुले इलाका प्रहरी कार्यालय, गणेशपुरमा उजुरी दिनुभएको थियो । पीडित पक्षले दिएको उजुरीका आधारमा फरार आरोपितहरूको खोजी कार्य भइरहेको जिल्ला प्रहरी कार्यालयका डिएसपी हरिबहादुर वलीले बताउनु भयो ।
पीडितको स्वास्थ्य परीक्षण भदौ १२ गते कपिलवस्तु अस्पताल, तौलिहवामा भयो ।