३३ वर्षीया महिलालाई सामाजिक सञ्जाल मार्फत विभिन्न तस्वीहरूलाई जोडेर बारम्बार हैरानी तथा मानसिक यातना दिएको आरोपमा सुद्धोधन गाउँपालिका–१ सोखुयाका २८ वर्षीय सञ्जय यादवलाई प्रहरीले ०८१ भदौ १२ गते गिरफ्तार गरेको छ ।
पीडितलाई आरोपितले विभिन्न तस्वीहरूलाई जोडेर सामाजिक सञ्जालमा अपलोड गरी चरित्र हत्या गरेको भन्दै पीडित पक्षले भदौ १२ गते जिल्ला प्रहरी कार्यालयमा उजुरी दिएको थियो । पीडित पक्षको उजुरीपछि आरोपितलाई गिरफ्तार गरी थप अनुसन्धान गरिरहेको जिल्ला प्रहरी कार्यालयका डिएसपी हरिबहादुर वलीले इन्सेकलाई जानकारी दिनुभयो ।