१६ वर्षीया बालिकालाई बलात्कार गरेको आरोपमा ३९ वर्षीय बुबालाई प्रहरीले ०८१ भदौ ११ गते गिरफ्तार गरेको छ ।
पीडित बालिकालाई आरोपितले भदौ ५ गते बलात्कार गरेको भन्दै पीडित पक्षले भदौ ११ गते इलाका प्रहरी कार्यालय, लुम्बिनीमा उजुरी दिएको थियो । पीडित पक्षले दिएको उजुरीको आधारमा आरोपितलाई गिरफ्तार गरी थप अनुसन्धान गरिरहेको इलाका प्रहरी कार्यालय, लुम्बिनीका इन्स्पेक्टर कञ्चन तामाङले इन्सेकलाई जानकारी दिनुभयो ।
पीडितको स्वास्थ्य परीक्षण भदौ ११ गते भिम अस्पताल, भैरहवामा भयो ।