१७ वर्षीया बालिकालाई साउन १८ गते यौन दुर्व्यवहार गरेको आरोपमा प्रहरीले पनौती नगरपालिका–८ सुन्थानका १९ वर्षीय रोहित गिरीलाई साउन २३ गते गिरफ्तार गरेको छ ।
पीडितका आफन्तले इलाका प्रहरी कार्यालय बनेपामा साउन २० गते उजुरी दिएपछि सोही उजुरीका आधारमा आरोपितलाई अनुसन्धानका लागि गिरफ्तार गरेको इलाका प्रहरी कार्यालय बनेपाका डिएसपी लालध्वज सुवेदीले बताउनु भयो ।
पीडित बालिकाको स्वास्थ्य परीक्षण साउन १९ गते धुलिखेल अस्पतालमा गरिएको छ ।
त्यसैगरी १७ वर्षीया बालिकालाई साउन १८ गते बलात्कार गरेको आरोपमा प्रहरीले महाभारत गाउँपालिका–१ घर भई बनेपा नगरपालिका–८ इट्टाभट्टा नजिक बस्ने २० वर्षीय टङ्क रानामगरलाई साउन १९ गते गिरफ्तार गरेको छ ।
पीडितका आफन्तले इलाका प्रहरी कार्यालय बनेपामा साउन २० गते उजुरी दिएका थिए । पीडित बालिकाको स्वास्थ्य परीक्षण साउन १८ गते धुलिखेल अस्पतालमा गरिएको छ ।