खोटाङमा आगामी मङ्सिर १० गते हुने प्रदेश तथा प्रतिनिधि सभा निर्वाचनको लागि २८ ओटा मतदानस्थल सुरक्षाको दृष्टिकोणले अति सम्वेदनशील रहेको प्रमुख जिल्ला अधिकारी एकदेव अधिकारी बताएका छन् ।
१ सय ३६ मतदानस्थल र १ सय ७५ मतदान केन्द्रमध्ये २८ ओटा मतदानस्थल अति सम्वेदनशील, ५४ ओटा मतदानस्थल सम्वेदनशील र ५४ ओटा सामान्य रहेको सुरक्षा प्रमुखको विश्लेषण छ ।
विगतको घटनाक्रम, भूगोल, दलहरूबिचको अस्वस्थ प्रतिस्पर्धालाई सुरक्षा चुनौतिको रूपमा लिएर सुरक्षा व्यवस्था कडा पारिएको प्रजिअ अधिकारीले बताए । प्रदेश र प्रतिनिधि सभा मतदानका लागि १ लाख २५ हजार १ सय ८३ मतदाता रहेको जिल्ला निर्वाचन अधिकारी दिनेश खत्रीले जानकारी दिए ।