राजपुर गाउँपालिका–१ की ३७ वर्षीया बसन्ती घर्तीको रड प्रहार गरी हत्या गरेको आरोपमा पति ३८ वर्षीय गणेश घर्तीलाई प्रहरीले ०८१ साउन १४ गते गिरफ्तार गरेको छ ।
घरायसी विवादका कारण पत्नीलाई घर्तीले साउन १३ गते राति घरमै सुतिरहेको अवस्थामा रड प्रहार गरी हत्या गरेको भन्दै पीडित पक्षले साउन १४ गते इलाका प्रहरी कार्यालय, गढवामा उजुरी दिएको थियो । पीडित पक्षले दिएको सोही उजुरीको आधारमा आरोपितलाई गिरफ्तार गरी थप अनुसन्धान गरिरहेको जिल्ला प्रहरी कार्यालयका डिएसपी रामप्रसाद तिमल्सिनाले इन्सेकलाई जानकारी दिनुभयो ।
शव पोष्टमार्टमको लागि साउन १४ गते लमही अस्पतालमा, लमहीमा लगिएको छ ।