१६ वर्षीया बालिकालाई सामुहिक बलात्कार गरेको कसुर ठहर गर्दै जिल्ला अदालतले गंगाजमुना गाउँपालिका–३ का २७ वर्षीय राजकुमार तामाङ, ३१ वर्षीय बुद्धिमान तामाङ र १९ वर्षीय सुमित गुरुङलाई जेठ १६ गते कैद सजायको फैसला गरेको छ ।
जिल्ला न्यायाधीश गोपालप्रसाद बस्तोलाको इजलासले जनही १२ वर्ष कैद फैसला गर्दै र कसुरदारहरूको अपराधको प्रकृति हेरेर कसुरदारमध्ये राजकुमार तामाङलाई थप दुई वर्ष र बुद्धिमान तामाङ र सुमित गुरुङलाई थप एक कैद सजाय र कसुरको प्रकृति अनुसार राजकुमारलाई २० हजार रूपियाँ जरिबाना गर्ने फैसला गरेको जिल्ला अदालतका स्रेस्तेदार माधव भण्डारीले बताउनु भयो ।
पीडितलाई आरोपितहरूले ०७६ चैत १ गते सामुहिक बलात्कार गरेको भन्दै पीडित पक्षले जिल्ला प्रहरी कार्यालय धादिङमा ०७६ चैत २ गते उजुरी दिएका थिए ।
पीडितको स्वास्थ्य परीक्षण धादिङ अस्पतालमा गरिएको थियो । सामुहिकरूपमा भएको घटना र बलात्कार पछिको प्रमाण सङ्कलनको क्रममा डिएनए परीक्षण गर्न नेपाल विधिविज्ञान प्रयोगशालाबाट प्रतिवेदन आउन ढिलाइ भएपछि मुद्दा फैसलामासमेत ढिलाई भएको अदालतले जनाएको छ ।