१४ वर्षीया बालिकालाई यौन दुर्व्यवहार गरेको आरोपमा प्रहरीले नवलपरासी पश्चिम जिल्ला रामग्राम नगरपालिका–८ महेशपुरका २१ वर्षीय राजाराम चमारलाई फागुन १९ गते बुटवलबाटै गिरफ्तार गरेको छ ।
पीडितलाई आरोपितले फागुन १५ गते विद्यालय जानेक्रममा यौन दुर्व्यवहार गरेको भन्दै पीडित बालिकाले फागुन १५ गते इलाका प्रहरी कार्यालय, बुटवलमा उजुरी दिनुभयो ।
उजुरीका आधारमा कारबाही अगाडि बढाएको इलाका प्रहरी कार्यालय बुटवलका डिएसपी विजयराज पण्डितले बताउनु भयो ।
पीडितको स्वास्थ्य परीक्षण फागुन १५ गते भीम अस्पताल भैरहवामा गरिएको अस्पतालले जनायो ।