२८ वर्षीया महिलालाई बलात्कार गरेको आरोपमा प्रहरीले मायादेवी गाउँपालिका–४ का २१ वर्षीय राउत लोनिया र सोही ठाँउका २१ वर्षीय रामुधन अहिरलाई पुस १७ गते गिरफ्तार गरेको छ ।
पीडितलाई आरोपितद्धयले असोज ६ गते बलात्कार गरेको भन्दै पीडितले पुस १७ गते जिल्ला प्रहरी कार्यालयमा उजुरी दिनु भएको थियो ।
उजुरीका आधारमा गिरफ्तार गरी कारबाही अगाडि बढाइएको जिल्ला प्रहरी कार्यालयका डिएसपी मनोहरप्रसाद भट्टले बताउनु भयो ।
पीडितको स्वास्थ्य परीक्षण पुस १७ गते भीम अस्पताल, भैरहवामा गरिएको अस्पतालले जनायो ।