३६ वर्षीया महिलालाई बलात्कार प्रयास गरेको आरोपमा पीडित पक्षले ०८० कात्तिक १२ गते कौडेना गाउँपालिका–५ मोतिपुरका ३७ वर्षीय दिनेश महतोविरुद्ध जिल्ला प्रहरी कार्यालय मलंगवामा उजुरी दिनु भएको छ ।
आरोपितले पीडितलाई ०८० कात्तिक ३ गते बलात्कार प्रयास गरेको पीडित पक्षले बताउनु भयो ।
घटना पश्चात उजुरी दिएको थाहा पाए लगत्तै आरोपित महतो फरार रहेकोले खोज तलास भइरहेको जिल्ला प्रहरी कार्यालयका डिएसपी दिपेन्द्र पंजियार थारुले जानकारी दिनु भयो । पीडितको स्वास्थ्य परीक्षण कात्तिक १३ गते सर्लाही जिल्ला अस्पतालमा भएको डिएसपी थारुले जानकारी दिनु भयो ।