इलाम, फाकफोकथुम गाउँपालिका स्थायी घर भइ दमक नगरपालिका-१ मा बस्दै आएकी २१ वर्षीया पत्नी सुनिता सुनुवारको हत्या गरेको आरोपमा प्रहरीले २२ वर्षीय दिनेश सुनुवारलाई असोज २६ गते गिरफ्तार गरेको छ ।
मादक पदार्थ सेवन गरेका आरोपितले ०८० असोज २५ गते पत्नीलाई कुटपिट गरेका थिए ।
कुटपिटको घाइतेको प्राथमिक उपचार दमक अस्पतालमा गरिएको र थप उपचार विराटनगरस्थित नोवेल अस्पतालमा भइरहेको अवस्थामा असोज २६ गते मृत्यु भएको इलाका प्रहरी कार्यालय, दमकका डिएसपी मनोजकुमार लामाले बताउनु भयो ।
पीडित पक्षले असोज २६ गते प्रहरीमा उजुरी दिएपछि आरोपितलाई अनुसन्धानका लागि गिरफ्तार गरेको डिएसपी लामाले बताउनु भयो ।
शवको पोष्टमार्टम कोशी अस्पतालमा असोज २७ गते गरिएको छ ।