सिद्ध कुमाख गाउँपालिका–४ खार्बन बस्ने ४९ वर्षीया गणेसी रोकाको ०८० असोज १५ गते हत्या गरेको आरोपमा आफ्नै कान्छी बुहारी १८ वर्षीया शर्मिला बुढाथोकीलाई प्रहरीले असोज १९ गते गिरफ्तार गरेको छ ।
घरायसी झै–झगडालाई मुख्य कारण बनाएर आफ्नै सासुको दाउराले टाउकोमा हानेर हत्या गरेको जिल्ला प्रहरी कार्यालय सल्यानका इन्स्पेक्टर गोपाल श्रेष्ठले जानकारी दिनुभयो ।
शवको पोष्टमार्टम असोज १९ गते जिल्ला अस्पताल सल्यानमा गरिएको छ ।
आरोपितलाई थप अनुसन्धानका लागि जिल्ला अदालतबाट असोज २१ गते ७ दिनको म्याद थप गरिएको छ । घटनाको बारेमा थप अनुसन्धान भइरहेको इन्स्पेक्टर श्रेष्ठले बताउनुभयो ।