शुभकालिका गाउँपालिका–८ की २१ वर्षीया शुष्मा शाहीले आफूलाई २८ वर्षीय पति प्रकाश शाहीले घर निकाला गरेको आरोपमा भदौ २९ गते जिल्ला प्रहरी कार्यालय, कालिकोटमा उजुरी दिनुभएको छ ।
आरोपित शाहीले भदौ २८ गते अर्काे विवाह गर्छु भन्दै घर छोड्न धम्की तथा नछोडे मार्ने धम्की दिएर घर निकाला गरेपछि पीडितले आरोपित विरुद्ध जिल्ला प्रहरी कार्यालय कालिकोटमा उजुरी दिनुभएको हो ।
आरोपित शाही विरुद्ध उजुरी निवेदन दिएपछि अनुसन्धानका लागि खोजी भइरहेको जिल्ला प्रहरी कार्यालय, कालिकोटका प्रहरी इन्स्पेक्टर पोषण थापाले बताउनुभयो ।
आर्थिक अभावका कारण कानुनी प्रक्रियमा जान समस्या भएको भन्दै पीडितले इन्सेक र सोशेकमा आवश्यक सहयोगका लागि भदो २९ गते निवेदन दिनुभएको थियो ।