१७ वर्षीया बालिकालाई बलात्कार गरेको आरोपमा पाँचखाल नगरपालिका-६ का २९ वर्षीय उमेश दनुवारविरूद्ध ०८० साउन २६ गते जिल्ला प्रहरी कार्यालयमा उजुरी दर्ता भएको छ ।
पीडित बालिकालाई आरोपितले ललाई फकाई पटक पटक बलात्कार गरेको भन्दै पीडित पक्षले साउन २६ गते जिल्ला प्रहरी कार्यालयमा उजुरी दिएको जिल्ला प्रहरी कार्यालयका डिएसपी ढुण्डीराज न्यौपानेले जानकारी दिनुभयो ।
पीडित बालिकाको स्वास्थ्य परीक्षण साउन २६ गते धुलिखेल अस्पतालमा भयो । आरोपित फरार रहेका कारण खोजतलास भैरहेको डिएसपी न्यौपानेले बताउनु भयो ।