शम्भुनाथ नगरपालिका–५ मोहनपुरकी ३२ वर्षीया किरण कुमारी चौधरीको हत्याको आरोपमा उहाँका पति ३७ वर्षीय इन्द्रदेव चौधरीविरुद्ध असार २१ गते उजुरी दर्ता भएको छ ।
मृतकका बुबा श्रीनारायण चौधरीले दिएको उजुरी इलाका प्रहरी कार्यालय कल्याणपुरले दर्ता गरेको जनाएको छ । प्रहरी चौकी कठौना र ईलाका प्रहरी कार्यालय कल्याणपुरको टोलीले आरोपितलाई असार १९ गते नियन्त्रणमा लिई सोधपुछ गर्दा उनको संलग्नता खुलेपछि उजुरी दर्ता गरिएको एसपी नरेन्द्र कार्कीले बताउनु भयो ।
खाना खाएर कोठामा सुत्नु गएकी पीडित असार १८ गते बेहोस अवस्थामा फेला पर्नुभएको थियो । पीडितको शम्भुनाथ नगरपालिका–६ कठौनास्थित कृष्ण अस्पतालमा मृत्यु भएको प्रहरीले जनाएको छ ।
शवको राजविराज नगरपालिका–४ स्थित गजेन्द्रनारायण सिंह अस्पतालमा असार १९ गते पोष्टमार्टम भयो ।