खोराको मुख उपल्लो इदि उपभोक्ता समितिका अध्यक्ष अमृत भण्डारीलाई कुटपिट गरेको आरोपमा प्रहरीले माछापुच्छे« गाउँपालिका–८ का वडाध्यक्ष रामबहादुर गुरुङलाई असार २० गते गिरफ्तार गरेको छ । पीडितलाई आरोपितले असार १७ गते कुटपिट गरेको भन्दै असार १९ गते प्रहरीमा उजुरी परेको थियो ।
खोराको मुख उपल्लो इदि उपभोक्ता समितिद्वारा निर्माण हुँदै गरेको सडक खण्ड निर्माणमा ढीला सुस्ती गरेको भन्दै गुरुङले कुटपिट गरेको पीडितको भनाइ छ । घटनाको विषयमा थप अनुुसन्धान भइरहेको जिल्ला प्रहरी कार्यालयका डिएसपी श्रवणकुमार विकले जानकारी दिनु भयो ।