१६ वर्षीया बालिकालाई बलात्कार गरेको आरोप लागेका हनुमाननगर कंकालिनी नगरपालिका–११ सखुवा टोलका २१ वर्षीय लालु भनिने शशीकान्त दासविरुद्धको मुद्दा जेठ २९ गते मुल्तबीमा राख्ने फैसला भएको छ ।
सप्तरी जिल्ला अदालतका न्यायाधीश रमेशप्रसाद ज्ञवालीको इजलासले मुद्दा मुल्तबीमा राख्ने फैसला भएको स्रेस्तेदार कुमार मास्केले बताउनु भयो ।
हनुमाननगर कंकालिनी नगरपालिका–१ कोशी नदी पूर्व उत्तरमा रहेको खोला धारमा आरोपितले ०७८ साउन ११ गते बलात्कार गरेको पीडितले बताउनु भयो । पीडितका बुबाले इलाका प्रहरी कार्यालय कञ्चनरूपमा ०७८ साउन २५ गते उजुरी दिनु भएको थियो । पीडितको सोही दिन साउन २५ गते राजविराजस्थित गजेन्द्रनारायण सिंह अस्पतालमा स्वास्थ्य परीक्षण भएको थियो ।
इलाका प्रहरी कार्यालय कञ्चनरूपले साउन २६ गते उजुरी दर्ता गरेको थियो । आरोपित गिरफ्तार नभए पछि जिल्ला अदालतमा ०७९ साउन ४ गते अभियोजन पत्र दायर भएको थियो ।