दोधाराचाँदनी नगरपालिका– कन्चनभोज झोलुङ्गे पुल क्षेत्रमा डियूटीमा खटिएका सशस्त्र प्रहरी बलका सई नरेन्द्रसिंह चैसिरलाई वैशाख २२ गते राति यूवाहरुको समुहले खुकुरी प्रहार गरी घाइते बनाएका छन् । ।
रातिको समयमा घुमिरहेका युवाहरुलाई किन? यसरी हिडेको भन्दा युवाहरुको समुहले खुकुरी प्रहार गरेर भागेको खुकुरी प्रहारबाट घाइते हुनु भएका कञ्चनभोज बिओपीका सई चैसिरले बताउनु भयो ।
घटनामा संलग्न रहेको आरोपमा प्रहरीले पाँच जना यूवाहरुलाई वैशाख २३ गते गिरफ्तार गरी अनुसन्धान भइरहेको र फरार आरोपितहरुको खोजी कार्य जारीरहेको ईलाका प्रहरी कार्यालय, दोधाराचाँदनीका इन्स्पेक्टर अर्जुन साउदले बताउनु भयो ।
गिरफ्तार हुनेमा दोधराचाँदनी नगरपालिका–७ का २० वर्षीय रोहन बयक, २७ वर्षीय अजय वयक, २३ वर्षीय दिपक विष्ट, १९ वर्षीय रोशन नेपाली र २३ वर्षीय विक्रम नेपाली रहेका छन् ।
खुकुरी प्रहारबाट हातमा चोट लागि घाइते हुनु भएका सशस्त्र प्रहरी बलका सई चैसिरको स्वास्थ्य उपचार वैशाख २२ गते जिल्ला अस्पतालमा गरिएको छ ।