३५ वर्षीया हिंसा पीडित सुस्त तथा अपाङ्ग महिलालाई अनौपचारिक क्षेत्र सेवा केन्द्र (इन्सेक) मधेस प्रदेश कार्यालय जनकपुरले वैशाख २२ गते आर्थिक सहयोग गरेको छ ।
इन्सेक मधेस प्रदेशका संयोजक राजु पासवानले हिंसा पीडितलाई १० हजार रुपियाँ आर्थिक सहयोग गरेको हो ।
पडितको आर्थिक अवस्था कमजोर रहेको र गर्भवती पनि भएकोले पोषिलो खाना तथा सुत्केरी गराउन सहज होस भनि आर्थिक सहयोग गरेको संयोजक पासवानले बताउनु भयो ।
पीडित महिलालाई ०७९ साउन २८ गते सुखिपुर नगरपालिका–३ का २० वर्षीय चन्दन यादवले बलात्कार गरेको आरोपमा पीडित पक्षले इलाका प्रहरी कार्यालय महेशपुर पतारमा पुस १ गते उजुरी दिएका थिए ।
पीडितको स्वास्थ्य परीक्षण प्रादेशिक अस्पताल सिरहामा पुस १ गते भएको र थप जाँच पुस २ गते भएको इलाका प्रहरी कार्यालय महेशपुर पतारका इन्सपेक्टर केशव कटुवालले बताउनु भयो । आरोपित फरार रहेकोले खोजतलास भइरहेको इन्सपेक्टर कटुवालले बताउनु भयो ।