बलात्कार घटनाका आरोपितविरुद्ध उजुरी दर्ता

सुस्त मनस्थितिकी १७ वर्षीया बालिकालाई बलात्कार गरेको आरोपमा तिलाठी कोइलाडी गाउँपालिका–५ कोइलाडी बर्साइनका ४६ वर्षीय बंकर भनिने मौधकर खंगविरुद्ध प्रहरीले चैत १७ गते उजुरी दर्ता गरेको छ ।
पीडितका बुबाले दिएको उजुरी इलाका प्रहरी कार्यालय कञ्चनरुपले दर्ता गरेर कारबाही प्रक्रिया अगाडि बढाएको जनाएको छ । आरोपितकी साली मुर्ति देबी खंगको तिरहुत गाउँपालिका–२ स्थित घर कोठामा थुनेर कात्तिक ७ गते देखि पटक–पटक बलात्कार गरेका कारण गर्भवती भएको पीडितले बताउनु भएको छ ।
पीडितको स्वास्थ्य परीक्षण गजेन्द्रनारायण सिंह अस्पतालमा चैत १२ गते भएको छ । आरोपित हालसम्म गिरफ्तार भएका छैनन् । आरोपितविरुद्ध पक्राउपुर्जी जारी भएको छ ।