११ वर्षीया बालिकालाई बलात्कार गरेको कसुरमा जिल्ला अदालतले मेचीनगर नगरपालिका–११ का ५८ वर्षीय देवीबहादुर कुवँरलाई एक वर्ष कैद सजायको फैसला सुनाएको छ ।
जिल्ला अदालतका न्यायाधीश अशोकुमार बस्नेतको चैत १४ गतेको इजलासले कसुर गरेको ठहर गर्दै कैद सजायसँगै १० हजार रुपियाँ जरिबानाको आदेश भएको अदालतका सूचना अधिकारी अर्जुनप्रसाद गुराँगाइले बताउनु भयो ।
पीडित बालिकालाई आरोपितले ०७८ कात्तिक १२ गते बलात्कार गरेको आरोपमा पीडित पक्षले आरोपितविरुद्ध कात्तिक १५ गते इलाका प्रहरी कार्यालय काड्डभिट्टामा उजुरी दिएको थियो ।
पीडित पक्षको उजुरीका आधारमा आरोपितलाई प्रहरीले कात्तिक १६ गते घरबाट गिरफ्तार गरेको थियो ।
आरोपितविरुद्ध प्रहरीले जिल्ला अदालतमा ०७८ मङ्सिर ५ गते बलात्कार शीर्षकमा मुद्दा दर्ता गरेको थियो ।
जिल्ला अदालतका न्यायाधीश शङ्करबहादुर राईको मङ्सिर ६ गते आरोपित पुर्पक्षका लागि थुनामा थिए ।
पीडितको स्वास्थ्य परीक्षण मेची अस्पतालमा ०७८ कात्तिक १५ गते गरिएको थियो ।