१७ वर्षीया बालिकालाई बलात्कार गरेको कसुरमा जिल्ला अदालत चितवनका न्यायाधीश डिल्लीराम शर्मा अर्यालको ०७९ माघ २५ गतेको इजलासले दैलेख जिल्ला दुल्लु नगरपालिका-४ का ३९ वर्षीय विष्णु सुनारलाई १० वर्ष कैद र एक लाख रुपैयाँ क्षतिपूर्ती भराउने फैसला गरेको छ ।
अदालतका श्रेष्तेदार इश्वर आचार्यका अनुसार ०७९ वैशाख ११ गते सुनारले बालिकालाई बलात्कार गरेको भनी पीडित पक्षले वैशाख १९ गते इलाका प्रहरी कार्यालय मुग्लिनमा उजुरी दिएका थिए ।
बालिकाको स्वास्थ्य परीक्षण वैशाख १९ गते भरतपुर अस्पतालमा गरिएको थियो ।
सुनारलाई प्रहरीले वैशाख १९ गते इच्छाकामना-४ मुग्लिनबाट गिरफ्तार गरेकाे थियो भने जेठ ९ गते न्यायाधीश केशव अधिकारीको इजलासले पूर्पक्षका लागि थुनामा पठाउने आदेश गरेको थियो ।