१६ वर्षीया बालिकालाई बलात्कार गरेको कुसरमा जिल्ला अदालतले ताप्लेजुङ मिक्लाखोला गापा–२ का २६ वर्षीय टङ्क भनिने टंकप्रसाद थापालाई १० वर्ष कैद र एक लाख रुपैयाँ जरिवाना फैसाला सुनाएको छ ।
जिल्ला न्यायाधीश रिताकुमारी बख्रेलको ०७९ माघ ३ गतेको इजलासले थापालाई कसुर ठहर गर्दै १० वर्ष कैद र एक लाख रुपैयाँ जरिवानाको फैसला गरेको हो । पीडित बालिकाको स्वास्थ्य परीक्षण धुलिखेल अस्पतालमा असोज २१ गते गरिएको थियो ।
पीडित बालिकालाई ०७९ भदौ २८ गते बलात्कार गरेको भन्दै पीडित पक्षले थापाविरुद्ध असोज २१ गते जिल्ला प्रहरी कार्यालय काभ्रेमा उजुरी गरेको थियो । जिल्ला प्रहरी कार्यालयले थापा विरुद्धको मुद्धा कार्तिक ७ गते जिल्ला अदालतमा दर्ता गरेका थिए । थापालाई जिल्ला अदालतले ०७९ कार्तिक ७ गते नै पुर्पक्षका लागि थुनामा राख्ने आदेश दिएका थिए ।