जुगल गाउँपालिका–२ कुम्भेश्वरकी २८ वर्षीया रश्मिता बिसंखेलाई जातीय विभेद गरी कुटपिट गरेको आरोपमा जुगल गाउँपालिका–२ का ३५ वर्षीय मिनबहादुर वाइबालाई प्रहरीले ०७९ पुस १७ गते गिरफ्तार गरेको छ ।
आरोपित वाइबाले पुस १३ गते कुम्भेश्वर स्थित मुलबाटोमा व्यक्तिगत रिसइविले सार्कीको सन्तान भन्दै जातीय विभेद गरी कुटपिट गरेको पीडितको आरोप छ ।
पीडितले पुस १४ गते जातीय विभेद गरी सार्वजनिक स्थलमा कुटपिट गरेको भन्दै आरोपित वाइबाविरुद्ध जिल्ला प्रहरी कार्यालयमा उजुरी दिएकी थिइन् ।
पीडितको उजुरीका आधारमा आरोपितलाई प्रहरीले गिरफ्तार गरेको जिल्ला प्रहरी कार्यालयका मुद्दा शाखा प्रमुख हरिबोल के.सी.ले बताउनुभयो ।