१५ वर्षीया बालिकालाई बलात्कार गरेको कसुरमा जिल्ला अदालतले मोरङ्ग,मिक्लाजुङ्ग गाउँपालिका–९ का २० वर्षीय जनु विश्वकर्मालाई १० वर्ष कैद सजायको फैसला सुनाएको छ ।
जिल्ला अदालतका न्यायाधीश डाक्टर रमेशप्रसाद रिजालको पुस ४ गतेको आदेशले कैद सजायसँगै कसुरदारबाट ५० हजार रुपियाँ जरिबानाको फैसला भएको अदालतका सूचना अधिकारी अर्जुनप्रसाद गुराँगाईले बताउनु भयो ।
पीडित बालिकालाई विश्वकर्माले ०७६ माघ ३ गते बलात्कार गरेको आरोपमा पीडित पक्षले विश्वकर्माविरूद्ध ०७६ माघ ८ गते इलाका प्रहरी कार्यालय दमकमा उजुरी दिएको थियो । उजुरीका आधारमा प्रहरीले सोही दिन विश्कर्मालाई गिरफ्तार गरेको थियो ।
आरोपितविरुद्ध प्रहरीले जिल्ला अदालतमा ०७६ फागुन ४ गते बलात्कार शीर्षका मुद्दा दर्ता गरी कारबाही अघि बढाएको थियो ।
जिल्ला अदालतको फागुन ५ गतेको आदेशले आरोपित पुर्पक्षका थुनामा पठाएको थियो । पीडितको स्वास्थ्य परीक्षण मेची अस्पतालमा माघ ८ गते गरिएको थियो ।