मधेशको माग सम्बोधन बिना नै सरकारले दोस्रो चरणको चुनाव गराउन लागेपछि राष्ट्रिय जनता पार्टीले घोषणा गरेको आन्दोलनको कार्यक्रम अनुसार जेठ १३ गते महोत्तरीमा मशाल जुलुस निकालेको छ । राजपा नेपालका नेता तथा कार्यकर्ताहरूले परिमार्जन सहितको संविधान संशोधन गर, झुठा मुद्दा फिर्ता गर लगायतका नारासहित मसाल जुलुस निकालेका हुन् ।
त्यसैगरी इन्सेक धनुषा जिल्ला प्रतिनिधि विनोदकुमार रविदासका अनुसार मधेसीको माग अनुसारको संविधान संशोधन नगरी स्थानीय तहको चुनाव गराउन खोजेको आरोपमा मधेसी मोर्चाले जनकपुरमा मशाल जुलुस प्रदर्शन गरेको छ ।
संविधान संशोधन नगरेको खण्डमा मधेशी समुदाय कुनै पनि हालत चुनावमा भाग नलिने र चुनाव बहिष्कार गरी उम्मेदवारहरूलाई ‘मोसो दल्ने’ राजापाका जिल्ला संयोजक परमेश्वर साहले बताए ।